之前搓消毒搓到手爛爛地都一直未買黎試，呢排天氣太乾燥，手爛得更嚴重，即刻上網買，買完即用，嘩～ 真係無諗過，只係好似平時咁洗完手查手，只係用左兩次，突然摸到隻手咁滑既😳

本身皮膚好乾好乾，冬天甩皮、夏天濕笠笠都想甩皮嗰隻。
買前一直搵緊支body cream，因為用過呢個品牌其他products覺得都有效果，所以見到呢個cream價格好高都照買黎試下😂
一收到《金盞花紓緩身體精華霜》頭嗰排瘋狂搽，後尾發現原來佢唔係「body cream」，而係舒緩皮膚敏感/乾燥作用
雖然用得high過頭有啲肉赤😂，但可能因為瘋狂搽，皮膚真係潤好多，效果比我預期中更好，係由底滋潤出黎嗰隻！同埋冇再痕！
而家我訓前會當hand mask用，第二朝對手唔會好乾
希望可以多啲做優惠，如果價格set低啲比我地呢啲平民都afford到就好喇！！

雙手一直有濕疹，幾經辛苦好番，但疫情下經常洗手冇幾耐又翻發😭 ig大神令我睇到本木序廣告，觀望左好耐，因為價錢都唔算平。一開頭買咗返嚟急不及待咁用，味道非常好聞，質地比較杰身，但真係好似宣傳咁好快吸收。不過我嘅濕疹唔係乾痕嘅濕疹，而係會局部出水有水泡嗰隻，一開始用嘅時候太心急收咗水未完全好返晒就用，所以效果麻麻仲係會痕。但過咗一排雙手終於好返，終於可以再試下，用咗一個星期效果真係好好，夜晚搽完瞓覺，第二朝對手變得好滑，真係覺得皮膚好咗，唔係搽咗層cream嗰種假滑，啲印都淡得快咗。依家洗完好多次手都唔會擔心，希望今次真係可以好好keep住啦。ps 如果可以平啲就更加好啦😂

好唔中意查handcream，好立唔舒服，就算手乾都寧願忍，奈何疫情搓手搓到乾到甩皮，超級崩緊，一揸拳頭D關節位好似要裂開咁。睇IG考慮左好耐先去買來用，真係唔錯，滋養好即時但好吸收，1分鐘內就吸收晒可以繼續用電腦，好岩香港而家個情況用。

由第一代開始用，當時身體有濕疹， 用完身體唔痕好大改善， 好鍾意佢嘅味道，淡淡的 草藥甘菊味， 個人非常喜歡很療癒。 到第二代， 因為手又發濕疹， 再次買一支新的來用， 搽完等一分鐘左右已經不油不笠， 感覺好好， 一定會再回購！